جندڑی لٹی تئیں یار سجن
کدیں موڑ مہاراں تے آ وطن
روہی دے کنڈڑے کالیاں
میڈیاں ڈکھن کناں دیاں والیاں
اساں راتاں ڈکھاں وچ جالیاں
روہی بنائوئی چا وطن
روہی دی عجب بہار دسے
جتھے میں نمانی دا یار ڈسے
جتھاں عاشق لکھ ہزار ڈسے
اتھاں میں مسافر بے وطن
کدی یار فرید آوے ہاں
مینڈی اجڑی جھوک وساوے ہاں
میں روندی کوں گل لاوے ہاں
کیوں جا بنائوئی کیچ وطن
جندڑی لٹی تئیں یار سجن
کدیں موڑ مہاراں تے آ سجن
کوئی تبصرے نہیں:
ایک تبصرہ شائع کریں