رات آ بیٹھی ہے پہلو میں ستارو تخلیہ
اب ہمیں درکار ہے خلوت سو یارو تخلیہ
آنکھ وا ہے اور حسن یار ہے پیش نظر
شش جہت کے باقی ماندہ سب نظارو تخلیہ
دیکھنے والا تھا منظر جب کہا درویش نے
کُج کلاہو باد شاہو تاج دارو تخلیہ
غم سے اب ہوگی براہ راست میری گفتگو
دوستو تیمار دارو غم گسارو تخلیہ
چاروں جانب ہے ہجوم ناشنایان سخن
اپنے پورے زور سے فارس پکارو تخلیہ
کوئی تبصرے نہیں:
ایک تبصرہ شائع کریں